Hakusara

Kona-ba

Produtu: Sanan rai

Sanan rai iha Atauro hanesan tradisaun úniku husi aldeia Arlo no mos iha Atauro tomak ne’ebe besik atu lakon, Avo Joana no Catarina (sira nia idade besik atus ida) mak jerasaun ikus ne’ebe iha matenek tekniku halo sanan rai. Iha tempu uluk liu, feto sira halo sanan rai hodi uza ba kuru bee ka tau bee hemu, uza hodi nono-bee no feto sira mos halo bikan ki’ik ho naran Papilawati hodi tein hahan tradisional hanesan akar, aifarina no seluk tan.

Tamba Avo sira nia idade ferik liu ona no lakohi tradisaun ne’e atu lakon, ho tulun husi Empreza Di’ak nian avo Joana no Catarina deside hodi hanorin fali sira nia oan no foinsae sira seluk kona-ba halo sanan rai. Agora, tradisaun sanan rai husi aldeia Arlo moris fali no iha feto besik 30 mak iha ona matenek hodi halo sanan rai no tradisaun ida ne’e nakfilak sai atividade buka moris.

Atu halo sanan rai nia prosesu naruk tebes tamba feto sira tenki ba foti rai ne’ebe baibain uza ba halo sanan rai, depois teki tuku halo u’ut no pinhera depois kahur no tau bee no kumu. Depois hahú halo sanan rai no habai iha loron manas to’o maran molok tunu. Halo sanan rai la presiza ekipamentu oin-oin maibe presiza deit mak fatuk kabuar ida ho ai-baku no importante liu mak tenki pasiensia hodi hetan rezultadu ne’ebe diak.

Perfil Grupu

Maske konhesidu ho naran grupu sanan rai maibe grupu ida ne’e nia naran lo’os mak Hakusara ne’ebe signifika katak “Haburas Kultura Sanan Rai”. Hari’i iha tinan 2013 no agora kompostu husi feto besik 30 ne’ebe kontinua produs ho variadade oin-oin hanesan sanan rai, kopu, bikan (papilawati), lilin-fatin no estatua husi rai ho forma oin-oin.

Maske lokaliza iha fatin ne’ebe izoladu liu iha Atauro, grupu ne’e lidera husi feto sira hanesan Lita Gomes da Costa (Xefi grupu), Agostinha Soares Ximenes (Sekretaria – 77108626 / 78266363) no Orba Tilman (Tesoreira – 77526788).

Produtu