Homan

Kona-ba

Produtu: Homan

Maske suku Makadade iha grupu no tradisaun oin-oin, maibe homan mos sai ona tradisaun ida husi tradisaun sira seluk ne’ebe hahú kedas husi tempu uluk to’o agora. Hanesan ho produtu homan husi grupu sira seluk nian, produtu husi homan bele uza tuir nesesidade ka eventu sira, ezemplu bote hodi tau sasan husi atividade hortikultura nian no seluk tan. Tamba lokaliza iha foho, grupu ne’e fasil atu hetan Akadiru–tahan nune’e produsaun homan sempre iha. Sira presiza deit ba foti no hahú homan.

Perfil Grupu

Grupu homan hari’i iha tinan 2016 iha suku Makadade. Grupu ne’e feto deit no iha membru hamutuk 17 no agora lidera husi Maria Marciana Soares, nudar Xefi grupu, Esmalita Gomes, nudar Sekretariu no Amelia Soares, Tesoreiro. Feto sira ne’e nudar Dona da casa no sira mos halo atividade hortikultura maibe sira mos iha matenek kona-ba artezenatu no hahú kedas husi inisiu, feto sira nee produs ona produtu ho kualidade a’as hanesan lafatik, bote, luhu no kohe.

Grupu ida ne’e hari’i hodi prezerva no promove liu tan tradisaun ida ne’e no iha parte seluk sai nudar atividade ekonomia ne’ebe bele fo rendimentu ba feto no mos hanesan dalan ida atu ajuda sira nia kaben no familia hodi sosa hahan no mos selu oan sira nia eskola.

Wainhira sira remata produs produtu sira nee, sira tau/rai deit iha sira nia fatin hodi hein Empreza Diak ka turista sira atu vizita no sosa sira nia produtu maibe dalaruma mos sira lori ba faan iha Beloi ka Dili.
Grupu ne’e lokaloza iha foho leten no dook husi tasi no bele mos kontaktu liu husi telefone +670 7533 9625.

Produtu