Linda Hadomi Kultura

Kona-ba

Produtu: Produtu husi tais

Tais iha signifikadu kultural ida ne’ebé boot iha Timor no liga ho vida ema Timor nian. Além valor kultural, Tais iha papel boot iha eventu serimonial, festa tradisionál, no mós hanesan forma hodi hatudu rekoñesimentu. Iha grupu Linda Hadomi Kultura, Tais usa hanesan meiu versátil atu kria variedade produtu. Diversifikasaun ida ne’e la’ós promove Tais de’it, maibé mós fó oportunidade ba grupu hodi hetan rendimentu.

Feto sira iha grupu ne’e domina habilidade suku, ne’ebé hetan husi formasaun. Sira nia abilidade artesanal manifesta iha kriasaun ba bolsa Tais, xapeu, roupas no produtu oin oin. Ho mistura tradisaun ho inovasaun, feto sira ne’e kontribui ba preservasaun patrimoniu Tais nian, no tuir nesesidade husi sira nia kliente. Ho sira nia esforsu kriativu, sira la’ós de’it hakbiit an, maibé mós kontribui ba sustentabilidade ekonómiku grupu nian.

Perfil Grupu

Grupu Linda Hadomi Kultura, hahu husi Adelina Freitas iha tinan 2008, no agora grupu ne’e kompostu husi membru hitu ho talentu, inklui feto neen no mane ida. Desde hah’u, grupu ne’e dedika atu preserva no promove patrimoniu kultural Timor-Leste nian liuhusi sira nia esforsu kriativu. Sira nia mehi mak atu hetan fatin ida atu prodús no fa’an sira nia produtu.

Grupu nia fatin iha Fatuhada, Dili, Timor-Leste no bele kontaktu liu husi telefone +670 7727 8035.

Produtu