Art Sanan-Rai Inovativo

Kona-ba

Produtu: Pintura iha Sanan-rai no hena kanvas

Sanan-rai hanesan produtu ida, husi Munisípiu Manatutu, ne’ebé hahú prodús kedas husi tempu bei-ala sira-nian no ninia istória no tradisaun koñesidu tebes.

Ba elementu tradisionál sira, Grupu Art Sanan-Rai Inovativo Manatuto introdús ona elementu inovador ida, hodi koko halo kombinasaun entre karakterístika produtu lokál ida-ne’e-nian no pintura.

Grupu nia espresaun kriativu kontribui ba dezenvolvimentu artístiku no ba inovasaun husi produtu artezanál sira, liuhusi produsaun pintura iha sanan-rai no hena kanvas dekorativu.

Perfil Grupu

Iha tinan 2015, Salvador Serpa harii Grupu Art Sanan-Rai Inovativo Manatuto ho objetivu atu dezenvolve talentu foinsa’e sira-nian iha Munisípiu Manatuto no hodi kria servisu liuhusi pinta sanan-rai no hena kanva. Iha futuru, grupu nee mós iha mehi atu hari’i Galeria ida ne’ebé bele sai hanesan Sentru Promosaun Arte husi Munisípiu Manatuto.

Grupu ne’e agora daudaun kompostu husi ema na’in 5.

Grupu Art Sanan-rai Inovativo Manatuto lokaliza iha Manatuto Vila.
Kontaktu: +670 7823 7983

Produtu