Grupu Bobometo

Kona-ba

Produtu: Tais

Tais iha importánsia boot iha kultura Timor nian tanba reprezenta istoria, no valór sosial nasional nian. Tais la’ós de’it hena ida, maibé simbolu ba unidade no orgullu Timor nian. Tais bainbain hatudu motivu tradisionál no padraun ne’ebé hato’o istória, fiar no hanoin hosi bei-ala sira, hatutan patrimóniu kultural husi ema Timor nian. Tais iha papel boot iha serimónia, rituál, no lisan tradisionál, hatudu diversidade no rikeza kustume Timor nian nian.

Tanba ne’e, Tais fó kbiit ba feto sira, tanba sira ne’e mak hatene halo no haktuir sira nia knaar hosi jenerasaun ida ba jenerasaun seluk. Liuhusi Tais, Timor-Leste selebra moris kultura nian, hametin ligasaun komunidade nian, no fó onra ba nia eransa kulturál.

Perfil Grupu

Grupu Bobometo estabelese iha tinan 2002 husi Marta da Costa (60) ho mehi atu promove tais nudar identidade no rikeza Timor nian no mos ajuda feto sira seluk atu kria rendimentu ba sira nia família.

Grupu ne’e famozu ho tais bonitu ne’ebé sira soru ho konesimentu hosi jerasaun família nian.

Marta mak lider grupu Bobometo nian, ne’ebé kompostu husi feto tahan 17 husi Atsabe, Bobonaro no Oe-Cusse. Feto sira enkontru malu liu-liu atu organiza servisu no soru tais ne’ebé kliente sira husu no mos tais kriativu ne’ebé sira hala’o hodi fa’an iha merkadu lokal no feira artezanatu.
Grupu Bobometo lokaliza iha sentru Dili iha Aldeia Metin 4, Suco Bebonuk, postu adminstrasaun Dom Aleixo, Dili no bele kontaktu liu husi 7728 8864 / 7745 9465.

Produtu