Elsadae

Kona-ba

Produtu: Homan

Maske iha Uaro-Ana feto sira halo atividade oin-oin hanesan kesi no hakiak budu tasi, balun halo peskas no halo atividade hortikultura nian maibe feto sira sempre halo atividade homan ne’ebe mak sai ona hanesan tradisaun ne’ebe avo bei-ala sira husi hela. Halo husi material Akadiru-tahan no aumenta kór natural ne’ebe halo husi material sira nee’be foti husi to’os ka ai-laran halo produtu sira sai furak liu. Produtu sira bele uza ba hanesan prezenti hodi fo ba kolega ka familia, uza atividade horitkultura no mos seremonia kulutural sira. Fasil tebes ba feto sira atu homan produtu sira tamba ida ne’e sai ona hanesan abilidade báziku ba feto sira iha Uaro-Ana.

Perfil Grupu

Grupu Elsadae harii iha tinan 2013 no iha memrbru hamutuk ……(feto hotu). Sira aprende homan sira inan wainhira sira sei ki’ik kedas. Alem de homan hodi kontinua tradisaun maibe iha sorin seluk sira homan hodi bele faan nune’e bel hetan osan hodi ajuda ba nesesidade uma laran nian.

Naran Elsadae mai husi Biblia katak “Maroman mak bo’ot liu hotu” grupu sira tau naran ida ne’e ho objetivu atu hametin sira nia fiar no mos atu bele hetan graca ba buat hotu ne’ebe sira halao no iha parte seluk tamba sira involve maka’as iha atividade relijioju sira.

Grupu ne’e lokaliza iha aldeia Uaro-Ana, suku Bikeli, Atauro no bele asesu ho transporte hanesan motor no kareta ka bele mos ho ró lokal tamba besik iha tasi ibun ka bele mos kontaktu liu husi númeru telefone +670 7784 0287.

Produtu