Estatua Manukoko

Kona-ba

Produtu: Eskultura

Wainhira rona naran Makili, ema sempre hanoin kona-ba Estatua, ne’ebe mak sai ona hanesan identidade husi suku Makili ne’e rasik. Hahú kedas husi tempu tempu uluk, avo bei-ala sira hahu halo atividade eskultura no sira hahú ho halo estatua feto ida no mane ida no estatua rua ne’e mak reprezenta ema feto no mane husi suku Makili no sira tau naran “Tolan ati”, iha tempu ne’eba komunidade sira iha suku Makili adora estatua rua ne’e no fiar katak estatua rua ne’e iha espiritu hodi kura ema ne’ebe moras.
Tempu lao, komunidade sira hahú halo tan estatua seluk ne’ebe reprezenta vida moris husi Makili nian iha tempu uluk hanesan estatua ema lori ekipamentu peskas nian hodi ba tiha ikan, estatua feto sira tutur bote hodi ba halo atividade hortikultura, ró no ókolu tasi tradisioanal no mos estatua husi animal sira hanesan lafaek, ikan.
Atu halo ka bahat estatua ida, komunidade sira tenki ba iha ai-laran hodi buka no foti ai ida ho naran Ai-lalar, ai ida ne’e nia karateristiku mamar nune’e fasil ba sira hodi halo atividade eskultura.

Group Profile

Grupu Estatua Manukoko hari’i iha kleur ona no lidera husi Vicente Soares, nudar xefi grupu (+670 7673 7614) hamutuk ho ninia membru nain 3. Grupu ne’e hari’i ho objetivu atu prezerva no promove liu tan tradisaun Estatua nudar identidade husi suku Makili nian.
Maske nune’e membru ida-idak produs ninia produtu mesak no lori ba tau iha sentru hodi demostra no faan. Tamba grupu ne’e ki’ik entaun fasil ba grupu atu hasoru malu hodi organiza sira nia atividade eskultura no mos atu fahe material (ai) ba malu hodi kontinua produs.

Grupu ne’e lokaliza iha suku Makili, Atauro no atu ba iha grupu sira nia fatin tenki ba ho ró bero ka lao ain liu husi tasi ibun.

Produtu