Fumor

Kona-ba

Produtu: Homan no suku

Homan hanesan atividade baibain ona ba grupu Fumor tamba kuaze feto hotu-hotu halo ida ne’e maibe grupu ida ne’e mos halo atividade suku, sira aproveita roupa, hena, saku sira ne’ebe la uza ona hodi suku fali produtu balun ne’ebe bele uza fali no Ida ne’e hanesan atividade resiklazem hodi hamenus lixu. Iha fatin ne’ebe grupu hela ba (Makadade) susar tebes atu hetan material sira no dalaruma sira hetan ida ka rua deit, entaun grupu ne’e aproveita loron bazaar nian iha Beloi (suku seluk ne’ebe dook husi sira nia hela fatin) hodi mai faan sasan no mos atu rekolla material sira hanesan hena ka ropa ne’ebe la uza ona, saku no dalaruma tenki sosa material sira seluk (ezemplu; tais, hena) ne’ebe presiza hodi suku.

Perfil Grupu

Grupu Fumor hari’i iha tinan 2016 husi Sr. Tomas ho objetivu atu kria servisu ba a’an hodi bele hetan osan ba nesesidade uma-laran. Iha tempu ne’eba involve mos nia kaben no mos foinsae balun husi ninia vizinho. Tamba Sr. Tomas laiha ona entaun grupu ne’e agora lidera husi ninia kaben Sra. Ermelinda Saores hamutuk ho ninia membru nain 5 ho nia estrutra hanesan; Ermelinda Soares, nudar xefi grupu (+670 7533 9625), Rosalina de Araujo, nudar sekretaria no Diana de Aaraujo nudara Tesoreira, hodi kontinua halo atividade suku no homan.

Grupu Fumor mak únika grupu husi Makadade ne’ebe iha makina suku no iha abilidade kona-ba. Sira servisu loron-loron hodi produs produtu oin-oin hanesan saia tais, pasta kór, pasta feto no pasta bornal.

Produtu