Haburas Homan

Kona-ba

Produtu: Homan

Iha suku Makili mos iha grupu homan ida seluk ne’ebe ho naran Haburas homan no hari’i kleur ona. Hanesan mos ho grupu sira seluk, grupu Haburas homan hari’i ho objetivu atu kontinua tradisaun ne’ebe avo bei-ala sira husik hela no iha parte seluk sira faan hodi bele hetan osan hodi uza ba nesesidade uma laran hanesan sosa hahan no selu oan nia eskola. Grupu ida ne’e produs produtu uza ba atividade hortikultura nian hanesan bote hodi tau rezultadu husi servisu hortikultura nian no dalaruma hodi tau hahan, iha mos bote ho matan ne’ebe espesifiku ba suku Makili deit halo produs, bote ida ne’e uza hodi tau sasan kultura nian wainhira atu ba hafolin feto ida hodi ba kasamentu.

Perfil Grupu

Grupu Haburas homan hari’i iha tinan 2015 iha aldeia Masilihu, suku Makili, Atauro . Grupu ida nee hanesan grupu ne’ebe mistura feto no mane. Agora daudaun lidera husi Sra. Virginia Soares, nudar Xefi grupo (7655 9931), Mario Soares, nudar Sekretario (76718057) no Manuel de Araujo, nudar Tezoreiro, ho total membru hamutuk 11 hodi halao atividade homan. Sira iha abilidade no kapasidade atu homan produtu sira mak hanesan Pasta, Raga, Lafatik no Bote. Mane sira nia knar iha grupu ne’e mak atu ajuda feto sira hodi halo servisu neebe todan hanesan ba foti ka tesi aikadiru tahan.

Grupu ida nee halo produsaun ketak-ketak depois lori ba tau iha sentru iha Makili hodi faan no dalaruma sira lori ba iha Beloi no Dili. Sira iha mehi ne’ebe boot hodi kontinua tradisaun no mso bele hetan osan ba familia.

Produtu