Homan Furak

Kona-ba

Produtu: Homan

Suku Makili, Atauro riku ho tradisaun oin-oin no ida mak Homan. Homan nia ezistensia hahú kedas husi tempu uluk to’o agora. Dalabarak produtu husi homan sira uza ba atividade loron-loron nian hanesan Luhu hodi tau sasan ki’ik sira, Bote hodi tau sasan/hahan sira husi rezultadu atividade halo to’os nian hanesan batar no seluk tan. Maske feto sira iha Makili ne’e independente iha halo atividade homan maibe sei mos presiza sira nia kaben/laen hodi ajuda ba foti Akadiru-tahan iha to’os. Wainhira atu homan presiza deit mak Akadiru-tahan no ekipamentu mak hanesan tudik ida no besi ida hodi sihi. Atu halo diferensa ba produtu homan husi Makili no produtu homan husi fatin seluk nian, grupu sira husi Makili uza kor kafé (coklat) ne’ebe mak identiku ona ho Makili.

Perfil Grupu

Grupu Homan Furak hanesan grupu feto ne’ebe hari’i iha suku Makili, Atauro iha tinan 2017 husi Sra. Rebeca Baptista. Agrora, grupu nee iha nia membru hamutuk 11 ne’ebe iha matenek no abilidade atu homan produtu lokal sira hanesan Bote, Lafatik, Raga, bikan fatin, lapis fatin, camera nia fatin no mos xapeu.

Feto sira ne’e hasoru malu dala ida iha kada fulan hodi organiza servisu no sira halo produsaun grupu nian no mos produsaun individual hodi ba tau iha sira nia nia sentru iha Makili hodi hein ema atu ba vizita no sosa sira nia produtu sira no dalaruma sira lori produtu sira ba faan iha Beloi ka feira iha Dili. Sira mos ativu tebes hodi halo publikasaun iha media sosial Facebook.

Feto sira nee halibur malu hodi halo atividade homan tamba hakarak ajuda sira nia kaben hodi hetan osan ba familia no mos selu oan nia eskola.

Suku Makili lokaliza iha parte Leste Atauro nian no bele asesu liu husi transporte ró lokal no mos bele lao ain liu husi tasi ibun.

Ida ne’e grupu feto no lidera husi Rebeca Baptista, nudar Xefi grupu (+670 7530 5080), Catarina Baptista, nudar Sekretaria (+670 7671 8057) no Josefa de Araujo, nudar Tesoreira.

.

Produtu