About Empreza Di’ak
Empreza Di’ak (meaning Good Business) is an award winning Timorese foundation.
Kona-ba Empreza Diak
Empreza Di’ak mak organizasaun premiadu ida-ne’ebé kombate kiak iha Timor-Leste liuhusi empoderamentu ekonómiku, uza podér negósiu nian. Atu hetan informasaun kle’an liu tan vizita ami-nia website no tuir ami iha média sosiá – Facebook / Instagram.
Ami-nia misaun mak atu hakbiit ekonomia feto no mane sira ne’ebé moris iha kiak laran iha Timor-Leste liuhusi kria oportunidade moris foun, fornese formasaun inovativu no hahú negósiu ki’ik sira atu harii futuru ne’ebé di’ak liu.
Empreza Diak hahú nu’udar mehi husi ema na’in rua no agora ne’e fahe ba ema rihun ba rihun. ED hahú iha tinan 2011 husi grupu ida husi individuál inovador no hanoin ba oin, Timor-oan no internasionál sira, ne’ebé sai ona organizasaun lokál ne’ebé lidera servisu iha área empoderamentu ekonómiku no dezenvolvimentu ba moris.
Aprosimasaun inovadora ED nian – peskiza, teste no implementasaun bazeia ba merkadu, oportunidade sustentavel sira atu hakotu siklu kiak iha komunidade rurál sira ne’ebé hela iha ekonomia merkadu nia li’ur – hetan rekoñesimentu husi Prezidente Timor-Leste ho prémiu prestijiozu “Prémiu Serjio Vieira dé Mello ba Direitus Umanus” iha 2014.
Serbisu hamutuk, kompromisu, kualidade no respeitu – ne’e mak ami-nia valór prinsipál sira. Nee mak buat ne’ebé halo ita-nia serbisu sai di’ak liu.
Servisu Empreza Di’ak
Empreza Diak fó kbiit ba ema atu moris ida ba ida iha Timor-Leste – Estadu Dezenvolvimentu Illa Kiik ida, ne’ebé 70% husi populasaun hela iha área rurál sira, iha ekonomia merkadu nia liur. 40% husi populasaun sobrevive ho menus husi US$1 kada loron. 90% husi sasán sira ne’ebé konsome mai husi rai liur. Iha siklu kiak no dezigualdade ne’ebé la fó dalan ba komunidade rurál ki’ak sira atu hetan benefísiu husi dezenvolvimentu nasaun nian.
Area asaun prinsipál haat mak hanesan:
Feto sira-nia empoderamentu ekonómiku
Formasaun
no Outreach
Harii no jestaun ba mikro-negósiu sira
Halo tradisaun sai jerasaun rendimentu
Aprosimasaun inovadora ED nian – peskiza, teste no implementasaun bazeia ba merkadu, oportunidade sustentavel sira atu hakotu siklu kiak iha komunidade rurál sira ne’ebé hela iha ekonomia merkadu nia li’ur – hetan rekoñesimentu husi Prezidente Timor-Leste ho prémiu prestijiozu “Prémiu Serjio Vieira dé Mello ba Direitus Umanus” iha 2014.
Serbisu hamutuk, kompromisu, kualidade no respeitu – ne’e mak ami-nia valór prinsipál sira. Nee mak buat ne’ebé halo ita-nia serbisu sai di’ak liu.
Material Formasaun Empreza Di’ak
Formasaun hirak-ne'e hala'o dala barak husi Unidade Formasaun Empreza Diak iha Timor-Leste laran tomak iha tinan hitu liu ba, no sira hetan ona teste no kompletu iha prosesu nee.